وأضافت:”بس أنا مو مضطرة أضحي في كتير بنات ضحوا وهربوا من أهلهم وفي النهاية تشردوا ليه عشان جوازة.. لا والله أنا ما راح أفقد عائلتي عشان جوازة مش مضمونة”. وأوضحت:”إذا ولد البلد اللي هو ولد البلد ما ينضمن يمكن ينجح أو لا.. أروح أنا أعارض أهلي عشان واحد أجنبي؟.. يعني أنا رحت تزوجت وتركت البلد والسوشال ميديا وكل حاجة وبالنهاية زواجي ما ظبط يعني تخيلوا لو كان أجنبي كان إيش حصل فيني”.
واختتمت حديثها :”الواحدة على حسب تاريخ عيلتها يوافقون ولا ما يوافقون.. وأنا لا يمكن أخسر أهلي أو عيلتي عشان جواز ينجح أو ما ينجح.. ترى سبحان الله القلب كيف يتقلب من بعد محبة كره ومن بعد الكره انتقام.. الله يقلب القلوب ويبين كل واحد على حقيقته في نهاية الأمر”. في سياق آخر سبق وأن أعربت خبيرة التجميل السعودية بدور البراهيم عن استيائها الشديد من التنمر الذي تعرض له الموديل السعودي زياد المسفر وشقيقها سعد البراهيم في الفترة الأخيرة وتشبيههم بالنساء بسبب ملابسهما وإطالة شعرهما.
وقالت البراهيم، في مقطع فيديو لها عبر تطبيق”سناب شات” : “حان الوقت امي اتكلم وأخرج عن صمتي تكرر موضوع التنمر على الشباب الانيق ااي يهتم بنفسه وله ديزاين.. فرقوا انه العالم تطور وانه لازم نحترم وجهات النظر الأخرى .. مو انت تلبس توب وشماط يبقى تبغى كل الشباب متلك لا”. وأضافت :”يعني الصراحة صار جدل كبير على زياد المسفر واخوي سعد البراهيم.. يعني تخيلوا أنهم شبهوهم بالنساء المسترجلين هدول.. يعني التنمر الي حصل لمسفر ان دل دل على سطحية ومستوى العقليات الي نعيش معاها .. يعني انتوا ناس مو مثقفين حالهم رحوا شوفوا البرندات العالمية وعارضين الازياء وبعدين تعالوا اتكلموا عن زياد المسفر او سعد البراهيم”.
واستكملت حديثها، قائلة :”اللي يقول عنهم متشبه بالنساء والي يقول ناعم.. انا ما ابي تخوض واتكلم بس لو حصل اختبار هيطلع زياد وسعد ارجل منك.. مو كل من لبس توب صار رجل.. لكن إحنا ماعندنا احترام لوجهات النظر او ذوق اي شخص.. ومافيها شي الواحد يهتم بشعره وبشرتها واظافره مو الموضوع حق النساء فقط.. تنظفوا ياوسخين ياللي مسوين نفسكم رجال”. واختتمت حديثها، قائلة :”ازيدكم من الشعر بيت الرسول كان يربي شعره واجدادي كانوا يبربون شعرهم ويضفروا.. انا مو بشبه الرسول باخد فيهم بس ابغى اقولكم اني تربية الشعر مو حرام”.
إرسال تعليق